रंग नावाचे अस्त्र

||हा रंग, ही पॅलेट, हा ब्रश....

किती ताकद आहे ह्या अस्त्रात!||

||होय अस्त्रच म्हणता येईल...

फक्त स्वत:वर वापरायचे अस्त्र!||

||अपलीच मरगळ, लोभ, मत्सर ,

अहं ,मी, आणि माझं..च्या कवचाला

छेदुन काढणारं अस्त्र||

||आणि छेदताच...प्रकटतात नवीन किरण,

आतुन उसळी मारुन मोठ्ठी ऊडी घ्यायला||

||दडलेले, आसुसलेले, धगधगते किरण,

उफाळुन स्वत:ला व्यक्त होण्यास आतुर झालेले!||

||एकाच झेपेत माणसाला नव्या विश्वात नेऊन,

ठेवतात हे सामर्थ्य ऊराशी बाळगुन!||

||एकच झेप, आणि मिळाला अथांग सागर,

 कृतज्ञतेच्या अश्रुंना फुटला पाझर||

||ह्यांना गरज आहे फक्त एका प्रयत्नाची,

माझ्यातला "मी" विसर्जन करायची||

अमेय